Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bunday holatda u kishi vakil sifatida sizga xilof ish qilgan bo‘ladi. Vakilning vazifasi — vakil qiluvchining topshirig‘ini aniq bajarishdir. Siz bergan pulga siz aytgan tarzda, ya’ni o‘sha pulning o‘ziga tilla olib kelishi kerak edi. U pulni o‘z ehtiyoji uchun ishlatib, so‘ng sizga foiz asosida tilla olib kelsa, siz bunday tillani qabul qilmasligingiz kerak. Chunki bu tilla siz uchun halol bo‘lmaydi.

Siz unga: “Men bunday foizli tilla olmayman, bergan pulimni qaytar yoki o‘sha pulga menga aytgandek tilla olib kel,” deb talab qilishingiz kerak. Agar foizli tilla allaqachon olingan bo‘lsa-yu, holatni tuzatish imkoni bo‘lmasa, unda bu zarar va mas’uliyat vakil bo‘lgan kishining bo‘yniga yuklanadi.

Vallohu a‘lam.