Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Molga davolash maqsadida aroq berish mumkin. Chunki aroqning haromligi odamlar uchun, hayvonlarga bu hukm tatbiq qilinmaydi.

Mol aroqni ichganidan keyin uning ichida istihola bo‘ladi, ya’ni bir holatdan boshqa holatga o‘zgaradi va aroqning asari qolmaydi.

Ulamolar bu borada ixtilof qilishgan:
— Ba’zi ulamolar: aroq najosat emas, ichish harom, deyishgan.
— Jumhur ulamolar: aroqning o‘zi ham najosat, deganlar.

Agar mol aroq ichgach, shu zahoti so‘yilsa, uni iste’mol qilish masalasida ehtiyot bo‘lish kerak. Chunki o‘sha paytda aroq hazm bo‘lmagan bo‘lishi mumkin. Ammo vaqt o‘tib, aroq molning ichida o‘zgarib, boshqa moddalarga aylanib ketsa va aroqning asari qolmasa, uning go‘shti yeyish mumkin.

Vallohu a’lam.