Haqqi jihatidan olganda, 10 yillik xotin bilan bir kunlik xotinning farqi yo‘q. Ikkalasi ham bir xil haqqa ega.
Chunki nikoh qilinganmi, ikkisi ham bir xil bo‘ladi. Erkakning ulardan birining haqqini kamaytirishga haqi yo‘q. Agar qilsa, zolim bo‘ladi.

Agar bu biri 10 yillik, biri bir kunlik xotin bo‘lsa ham, haq-huquqda farq yo‘q.

Ammo 10 yillik xotinning fazli bo‘ladimi, desangiz — ha, fazli bo‘ladi.
Shuncha yil birga yashagani, ko‘p xizmat qilgani, yaxshi-yomon kunlarda birga bo‘lgani, ota-onangizga xizmat qilgani uchun fazli bor.

Alloh taolo aytadi:

“O‘rtalaringizdagi fazlni unutmanglar.”

Ya’ni bu jihatdan qaraganda, u ayolning sizga nisbatan fazli bo‘ladi.
Fazli bor degani — ikkinchi xotinning haqqini kamaytirish mumkin degani emas.

Savolda aytilgandek, “bunga ikki kun, unga bir kun” qilish — joiz emas.
Haqlik, hurmat va mehr jihatidan avvalgi xotinga fazl ko‘rsatiladi, lekin haq-huquqda tenglik bo‘lishi shart.

Birovning haqini olib, boshqasiga berish adolat emas.
Nikohdan keyin ikki ayolning haqqi teng taqsimlanadi.

Agar bu ish oldindan (nikohdan oldin) kelishilgan bo‘lsa, masalan: “Haftada bir marta kelaman” deb shartlashilgan bo‘lsa va ikkinchi ayol rozi bo‘lsa — unda muammo yo‘q.

Ammo nikohdan keyin bir tomonlama shunday qilish — zulm bo‘ladi.
Nikohdan oldin aniq shartlashish kerak edi.

Modomiki nikoh qilingan bo‘lsa, endi har ikkala xotinning haqqi teng bo‘lishi shart.
Birovning haqini boshqasiga berish mumkin emas.

Vallohu a’lam.