Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar siz kredit olish paytida “uch oydan keyin foizi bilan qaytaraman” degan shartni qabul qilgan bo‘lsangiz, bu foizli shartga rozi bo‘lgan hisoblanasiz. Niyat yaxshi bo‘lsa-da, ya’ni “foiz to‘lashga yetkazmayman, tezda qaytaraman” deb o‘ylasangiz ham, bu hal qiluvchi omil bo‘lmaydi. Chunki siz foizli bitimga kirgansiz.

Shariatda maqsad halol bo‘lishi bilan birga, unga olib boradigan yo‘l — vosita ham halol bo‘lishi lozim.

“Pulni tezroq qaytaraman, foiz to‘lamayman” deb ishonch hosil qilish bilan bu ish halol bo‘lib qolmaydi. Chunki inson o‘zining umriga, hayotiga kafolat bera olmaydi. Aksincha, o‘sha foizli bitim haligacha ustingizda qolaveradi.

Shu sababli, foizli kreditga yaxshi niyat bilan kirish ham shar’an joiz emas.
Vallohu a‘lam.