Bismillah,

Alloh ta’ologa hamdlar, undan keyin payg‘ambar bo‘lmaydigan payg‘ambar, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo‘lsin.

Gilamni najosatdan poklash, haqiqatan ham, muhim va o‘rganish zarur bo‘lgan savoldir. Agar engil kiyim yoki biror matoh va boshqa shunga o‘xshash narsalarga najosat tegsa, uni yuvib, siqib ilib qo‘yish mumkin. Ammo gilamga o‘xshash og‘ir narsalar, ba’zi o‘rindiqlar yoki shunga o‘xshash buyumlarni siljitish qiyin bo‘ladi. Ulamolar, agar gilamga najosat tegsa, birinchi navbatda najosatning hajmini olib tashlashni maslahat berishadi. Agar najosat katta bo‘lsa yoki qon bo‘lsa, uni iloji boricha olib tashlash kerak.

Agar hajmi yo‘q bo‘lgan najosat bo‘lsa, masalan, bavlga o‘xshagan, unda uni shimdirib olish kerak. Keyin ustidan toza suv quyib, boshqa latta yoki mato bilan artib, shu tarzda ikki-uch marta yuvish kerak. InshaAlloh, shunday qilinsa, gilam poklanadi.

Agar gilamdagi najosat qurib qolgan bo‘lsa, ho‘l narsa tegmasa, najosat o‘tmaydi. Ho‘l narsa tegsa, najosat o‘tishi mumkin. Shu sababli najosatni tezroq tozalash kerak. Qurigan najosat esa, agar oyoq yoki paypoq bilan bosilgan bo‘lsa, va ho‘l bo‘lmagan holda tegsa, najosat o‘tmaydi. Agar ho‘l narsa bilan bosilgan bo‘lsa, boshqa joylarga ham najosat tarqaydi. Tezroq poklash va iloji boricha najosatni to‘liq olib tashlash tavsiya etiladi.

Agar gilamni bir chetida najosat bo‘lsa, boshqa chetida najosat bo’lmasa namoz o‘qisa bo‘laveradi.

Vallohu A’lam