Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Faqir va miskinni aniqlashning mezoni — uning muhtojligidir.

Masalan, xolangizni olaylik. Balki u kasaldir, ammo davolanishga mablag’i yo’qdir. Yoki farzandlarini o’qitishga, kiyim-kechak olishga yoki zarur ro’zg’or ehtiyojlarini ta’minlashga imkoniyati yetmayotgandir. Bunday holatlar faqirlik alomatlaridan hisoblanadi.

Shuningdek, uyining sharoiti juda og’ir bo’lishi mumkin. Masalan, uyida isitish tizimi yo’q, gazi yo’q, issiq suvi yo’q yoki yashash uchun zarur sharoitlar yetarli emas. Ana shunday zarur ehtiyojlarni ta’minlash ham faqirning ehtiyojini qoplash jumlasiga kiradi.

Demak, mezon — insonning odatiy hayot kechirishi uchun zarur bo’lgan ehtiyojlari qanchalik ta’minlanganidir. Agar asosiy ehtiyojlari yetarli darajada qoplanmagan bo’lsa, u muhtoj hisoblanadi.

Siz aytgan beva ayolning ham holatini yaxshilab bilib oling. Agar u haqiqatan ham muhtoj bo’lsa, zakotni unga berishingiz mumkin.

Agar yaqinlaringiz orasida zakot olishga haqli odam topilmasa, zakotni boshqa faqir va miskinlarga berishingiz mumkin.

Vallohu a’lam.