Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar ichingizdan chin dildan o‘qishga ishtiyoq bo‘lsa, albatta sabr qilib, o‘qishni davom ettiring. Boshlanishida tushunmaslik tabiiy hol, lekin vaqt o‘tishi bilan zehn ochiladi, ilm asta-sekin yuragingizga joylashadi.

Tolib ilm uchun eng muhimi – ichki rag‘bat va qat’iyatdir. O‘zingizda o‘qishga qiziqish bo‘lsa, bu eng katta kuch. Biiznillah, vaqt o‘tib natijasini ko‘rasiz. Sizga hozir kerak narsa – sabr, doimiylik va do‘stlarning emas, Allohning roziligini izlashdir.

Xulosa: O‘qishga rag‘batingiz bo‘lsa, sabr qiling va tashlab yubormang. Vaqt o‘tib baraka bo‘ladi, in shaa Alloh.
Vallohu a‘lam.