Bismillahir rohmanir rohiym. Vassalatu vassalamu ‘ala Rasulillah, amma ba’d.

Bu qiyin holat. Bunday vaziyatda yanada ko‘proq suhbat va tafsilot kerak bo‘ladi. Er-xotin ikkisining ham gaplarini tinglash lozim. Mening nasihatim — sizlarga yaqin bo‘lgan, shariatni yaxshi biladigan bir olim kishining huzuriga borib, holatingizni to‘liq tushuntiringlar.

Birinchi taloq qanday bo‘lgan? Ikkinchisi qanday bo‘lgan? Bu uchinchi holat aynan qanday kechgan? Bularning barchasini batafsil bayon qilishingiz kerak. Chunki “niyatim boshqa edi” degan gap — agar “Taloqsan” degan ibora ochiq aytilgan bo‘lsa — uni niyat bilan o‘zgartirib bo‘lmaydi. Ochiqchasiga “Taloqsan” deb aytilgan bo‘lsa, bu taloq hisoblanadi. U aytilgan gapni odam qo‘rqitish uchun aytdimi, jim qilish uchun aytdimi — bu holatda baribir taloq lafzan aytilgan bo‘ladi.

Shu bois bu juda jiddiy masala. Eng afzali — sizlar uchun ishonchli bo‘lgan, shariat ilmini egallagan bir ahli ilm huzuriga borib, xotiningiz ham siz bilan birga bo‘lib, holatni to‘liq tushuntiringlar. Shunda masala to‘g‘ri va shariat asosida hal qilinadi, inshaAlloh.

Vallohu a’lam.