Taloq deb sms yozayotib, fikridan qaytsa taloq tushadimi?

Nashr sanasi: September 4, 2025

Ko'rilgan: 10

Savol :

Ayolim bilan telefonda yozma tarzda urishayotgan edik. Men qattiq g‘azabda edim. U taloq so‘radi. Xayolimga “bitta roj‘iy taloq ber” degan o‘y keldi va shunday yozdim.

“Bitta roj‘iy” deb yozdim-u, lekin taloq so‘zini yozmadim. Keyin darhol to‘xtab, astaghfirulloh deb yozganimni o‘chirib tashladim, jo‘natmadim. So‘ng “kel, bunday qilmaylik” deb yozdim va biz yarashib ketdik. Bu oxirgi imkoniyatimiz edi. Shu holatda taloq tushib qolmaganmi?

Javob :

O’xshash savol-javoblar

Yo‘q, bu holatda taloq tushmagan. Chunki siz “bitta roj‘iy” deb yozgansiz, lekin “taloq” so‘zini to‘liq yozmadingiz, xabarni ham jo‘natmadingiz. Bu faqatgina niyat darajasida qolgan.

Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Shariatda qoida bor:

اليقين لا يزول بالشك

“Al-yaqīn lā yazūlu bish-shakk” – ya’ni aniq narsa shubha bilan ketmaydi. Hozir aniq narsa – sizning nikohingiz mavjud. Taloq tushganiga esa shubha bor, chunki yozilmadi ham, jo‘natilmadi ham. Shubha bilan esa nikohni bekor qilib bo‘lmaydi.

Shunday ekan, bu holatda taloq tushmagan, nikohingiz saqlanib qolgan.

Vallohu a‘lam.

Javob muallifi:

Shayx Sodiq Samarqandiy

Maqola foydali bo’ldimi?

Yo’nalishlar

Bizga bog’laning