Bu ish, aslida, yolg‘onchilikka kiradi. Bu rivojlanishda ortda qolish emas, balki yolg‘onchilikda ishtirok etmaslik deganidir. Chunki bunday videolarda aytilayotgan gaplar yolg‘on ekanini, u odam aslida u gapni aytmaganini ko‘pchilik biladi. Shuning uchun, bu orqali “musulmonlar ortda qoladi” degan fikr noto‘g‘ri. Chunki bunday ishlarni qilmaslik hech qanday rivojlanishga to‘siq bo‘lmaydi.

To‘g‘ri, musulmonlar bugungi kunda rivojlanishda orqada qolayotgan bo‘lishi mumkin. Ammo bunga sabab ingliz, rus, xitoy yoki boshqa tillarni bilmasligimiz emas. Asl sabab — Qur’onimizga amal qilmayotganimizda. Buni tushunish kerak. Biz qachonki dinimizni tark etdik — xor bo‘ldik.

Qachonki dinimizga qaytsak, Alloh bizga azizlik beradi. Aks holda, biz o‘z qozonimizdan ovqat pishira olmaymiz. O‘z uyimizda o‘zimiz erkin bo‘la olmaymiz. O‘z boyligimiz ustidan o‘zimiz hukm qila olmaymiz. Boshqalar bizni talon-taroj qiladi, biz esa ular tashlagan suyakni olish uchun o‘zaro janjallashib yuramiz. Bularning barchasi — dinimizni tark etganimiz uchun.

Izzat — faqat Allohdan. Alloh taolo mo‘min bandalarini aziz qiladi.

Shunday ekan, keling, biz mo‘min bo‘laylik. Dinimizga qaytaylik. Iymonimizni o‘rganaylik. Shunda Alloh bizga o‘z azizligini beradi.

Vallohu a’lam.