Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar musiqa qo‘yilmasdan ish yuritib bo‘lmasa, bunday joyni ochmaslik ma’qulroq. Chunki bir foyda keltiraman deb, boshqa bir zararni qabul qilish to‘g‘ri emas. Undan ko‘ra halol, pok, shubhasiz bo‘lgan boshqa bir yo‘l bilan rizq topganingiz afzal.

Sport ozuqalari masalasida esa — eng to‘g‘ri yo‘l, malakali shifokorlardan so‘rashingizdir. Chunki bunday qo‘shimchalar inson salomatligiga, ayniqsa erkaklik salohiyatiga ta’sir qilishi mumkin degan fikrlar mavjud. Men ham eshitganman: urug‘larni zaiflashtirishi, erkaklik quvvatini susaytirishi mumkin deb. Bu holatda, odam tashqi kuchga ega bo‘lib ko‘ringani bilan, aslida sog‘liqdan, oilaviy barakadan ayrilishi mumkin.

Agar bu qo‘shimchalar farzand ko‘rishga, oilaviy hayotga salbiy ta’sir qilsa, bu “qosh qo‘yaman deb ko‘z chiqarish” bo‘ladi. Shuning uchun bu turdagi mahsulotlar haqida mutaxassis doktordan maslahat oling. Agar hech qanday zarari yo‘q, faqat mushak uchun foydasi bor desa — unda iste’mol qilish joiz bo‘ladi. Aslida, mushakli gavdali bo‘lish shariatda man etilmagan, lekin niyat to’g’ri bo‘lishi kerak.

Yana bir narsa: agar mushak chiqarmoqchiman deb insonda kibr paydo bo‘lsa, bu yomon. Odamlar ichida “men boshqacha odamman” degan tuyg‘u kelib chiqsa, bu ma’nan zararli bo‘ladi.

Xulosa:

1. Musiqa bo‘lmasdan ish yuritib bo‘lmasa — ochmaslik afzal.

2. Protein va boshqa sport ozuqalarini mutaxassislar bilan maslahatlashgan holda iste’mol qilish kerak.

3. Niyat toza bo‘lsa, Alloh baraka beradi.

Vallohu a‘lam.