Rufatni ikkita ma’nosini men tushunib turibman hozir. Arab tilida “rufatan” so‘zi Qur’onda kelgan:
Alloh taolo Qur’oni Karimda aytadi:

قَالُوا أَئِذَا كُنَّا رُفَاتًا أَئِنَّا لَفِي خَلْقٍ جَدِيدٍ

“Ular dedilar: ‘Biz chang-to‘zon (parcha-parcha) bo‘lib ketganimizdan keyin yana yangidan tiriltirilarmikanmiz?!’”
(Surat al-Isro, 49-oyat)

Bu yerda “rufat” — suyaklarning titilib chang bo‘lib ketgan holatini bildiradi. Ya’ni tuproq va kukun bo‘lib ketadi.

Arab tilida “rufat” titilib ketgan, chang-to‘zon bo‘lib ketgan narsaga aytiladi.

Shuningdek, boshqa bir ma’nosi — “rif’at” so‘zi bor. Arab tilida “rif’at” — balandlik, yuksaklik degan ma’noni bildiradi. Uni ba’zilar buzib “rufat” deb o‘zgartirib aytib yuborishgan bo‘lishi mumkin. Balki tatarlar orasida shunday shaklda mavjuddir.

Agar ma’no “rif’at” bo‘lsa, bu yaxshi ism: balandlik, yuksalish ma’nosini anglatadi. Lekin agar “rufat” bo‘lsa, arab tilida kukun, chang ma’nosida bo‘lgani uchun ma’nosi yaxshi emas.

Shuning uchun, imkon bo‘lsa, ismingizni to‘g‘rilash tavsiya qilinadi. Chunki siz “rufat” deyapsiz, “rif’at” demayapsiz.

Yana ham bilmadim, balki savolda yozilishda yoki talaffuzda xatolik bo‘lgandir.
Hozirgi savolingizdan tushunganimiz shu.
Vallohu a’lam.