Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Men bu savolni to‘liq tushunmadim, lekin agar gap pul o‘tkazish xizmatida bo‘lsa — ya’ni siz pul o‘tkazib berayotgan va buning evaziga xizmat haqi olayotgan bo‘lsangiz — bu joiz. Chunki bu — xizmat ko‘rsatish haqi hisoblanadi.

Pul o‘tkazib berish evaziga oldindan belgilangan xizmat haqi olish urf bo‘yicha halol bo‘ladi. Agar siz o‘zingizning mablag‘ingizdan avval berib, keyin mijozdan qarzni qaytarib olsangiz va ustiga kelishilgan xizmat haqini qo‘shsangiz — bu ham joiz. Chunki bu ribo emas, balki xizmat haqi.

  Vallohu a‘lam.