Rasululloh ﷺ qabrlariga borilganda, birovning salomini yetkazish joizmi?

Nashr sanasi: June 25, 2025

Savol raqami: 2097

Ko'rilgan: 62

Savol :

Ustoz, men hozir Makka shahrida yashayman, va vaqti-vaqti bilan Madinaga ham borib turamiz. Ko‘p yaqinlarimiz, qarindoshlar: “Payg‘ambarimizga salomimizni yetkazing”, deb iltimos qilishadi. Bugun esa bir kishidan eshitdimki: “Bu ish bid’at, salom yetkazmang. Siz bilmay qilgansiz, gunoh bo‘lmaydi”, dedi. Bu gapni eshitib ko‘nglim g‘ash bo‘lib qoldi. Chunki biz Rasuli Akram ﷺ qabrlarining oldiga borib: “Ummatdan salom”, deb aytganmiz. Shu to‘g‘rimi?

Javob :

O’xshash savol-javoblar

Bunday qilish salaflar amaliyotida bo‘lmagan, shuning uchun uni tark etish afzal. Rasulullohga har qayerda salovot aytilsa, u zotga yetkaziladi.

Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Rasululloh ﷺ ga salom aytish har qayerda bo‘lsa ham yetib boradi. Bu – hadis bilan sobit. Nabiy ﷺ aytganlar: “Qayerda bo‘lsangiz, kim menga salovot aytsa, Alloh farishtasi orqali uni menga yetkazadi.” (Abu Dawud, Nasa’i)

Ammo “Falonchining salomini yetkaz” deb aytish va qabr oldida buni alohida qilish salafdan (sahobalar va tobe’inlardan) rivoyat qilingan emas. Ular bunday odat qilmaganlar. Shu sababli bu amaliyotda ehtiyot bo‘lish lozim.

Shuning uchun, eng to‘g‘risi – har kim o‘zi Rasulullohga salovot aytsin. Salovot qayerdan aytilsa ham, Rasululloh ﷺ ga yetkaziladi. Siz ham salovot aytishni ko‘paytiring. Qabr oldida esa o‘zingizning salomingizni adab bilan ayting. Boshqalarnikini alohida yetkazish shart emas.

Bu masalani katta gapga aylantirmaslik, tortishuv chiqarmaslik eng yaxshisi. Siz bilmay qilgan bo‘lsangiz, bunda gunoh yo‘q. Lekin endi bu ishda ehtiyotli bo‘ling.

Vallohu a‘lam.

Javob muallifi:

Shayx Sodiq Samarqandiy

Maqola foydali bo’ldimi?

Yo’nalishlar

Bizga bog’laning