Bismillah, alhamdulillah, vassalatu vassalam ‘ala rasulillahi va ba’d. Ro‘za tutish shart degan joyi yo‘q. Bu borada umumiy bir hadis kelgan: Rasululloh sallallohu alayhi vasallam aytganlarki, Zulhijjaning o‘n kunidan ko‘ra unda solih amal qilish Alloh taologa yaxshiroq va sevimliroq bo‘lgan boshqa kun yo‘q.

Ya’ni bu kunlarda qilingan solih amallar Alloh taologa eng sevimli bo‘ladi. Shuning uchun bu 10 kunda qilinadigan barcha yaxshi amallar — ro‘za tutish, zakot berish, miskinlarga yordam berish, nafaqa berish, ota-onaga yaxshilik qilish, odamlarga foydali bo‘lish, ahli oilasiga g‘amxo‘rlik qilish va boshqalar — barchasi bu fazilatli amallarga kiradi.

Demak, bu hadis faqat ro‘za tutishni nazarda tutmaydi. “Shu kunlari ro‘za tutish shart” deb tushunib qolmaslik kerak. Tutmasa ham bo‘ladi, lekin tutsa — bu solih amallardan biri bo‘ladi.

Zulhijjaning 10 kuni oldimizda kelyapti. Juda yaxshi savol bo‘ldi, Alloh sizdan rozi bo‘lsin. Insha Alloh, Zulhijjaning 10 kuni kirishi bilan solih amallarga ko‘proq intilishimiz kerak. Bu faqat ro‘za emas, barcha yaxshi amallarni o‘z ichiga oladi: kechasi namoz o‘qish, kunduzi ro‘za tutish, miskinlarga nafaqa berish, qo‘ldan kelgan har qanday yaxshilikni qilish, haj va umraga borish, Qur’on o‘qish va boshqa barcha solih amallar.

Shu ma’noda tushunishimiz kerak. Vallohu a’lam.