Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Asl hukmga ko‘ra, go‘shti halol bo‘lgan hayvon (masalan, qo‘y) Alloh tomonidan halol qilingan bo‘lsa, uning barcha a’zosi ham haloldir. Qur’on va sunnatda faqat aniq harom qilingan narsalar sanab o‘tilgan:

• O‘lik hayvon (mayta)

• Oqizilgan qon

• Cho‘chqa go‘shti

• Allohdan boshqasiga so‘yilgan hayvon va h.k.

Qo‘yning moyagi haqida esa Rasululloh ﷺdan aniq bir taqiq kelmagan. Ba’zi ulamolar, xususan Said ibn Musayyibdan kelgan mursal (zanjirsiz) rivoyatda qo‘yda “yetti joy harom” deyiladi. Ular orasida moyak ham bor. Hanafiy ulamolari bu xabarni dalil qilib, moyakni yeyishni “makruh tahrimiy” deb aytishgan. Ya’ni — yeb qo‘yish yaramaydi, lekin qat’iy harom ham deyilmaydi.

Shuning uchun:

• Yeyishni xohlamagan kishi yemasin, bu tabiiy norozi bo‘lishdir.

• Ammo harom deyish og‘ir gap — bunga qat’iy dalil kerak.

• Asl holatda u halol yoki muboh sanaladi.

Yani:
– Halollikka dalil shart emas, u asl holat.
– Harom deyish uchun esa qat’iy dalil bo‘lishi shart.

Shuning uchun sizning “harom” deyishingiz ishonchli dalilga tayanmasa, bu to‘g‘ri bo‘lmaydi. Halolligiga esa asos bor — asl hukm halollikdir.

Vallāhu a‘lam.