Agar bunda yolg‘on aralashmasa va bu ish sizning o‘zingizning ishingiz bo‘lib, ishchilarni olib kelib, ularga kelishilgan pulni berib, uyning egasi bilan ulgurji narxda bitim qilib, keyin uni ishchilarga arzonroq qilib topshirsangiz va o‘zingiz ko‘proq foyda qilsangiz, bunda zarar yo‘q. Yolg‘on gapirilmasa, hammasi ochiq-oydin bo‘lsa, bunda muammo yo‘q. Siz ishni oldingiz, keyin ustalarga: “Mana shu ishni qilib ber, mana shuncha pul beraman”, deb topshirdingiz. Bu xuddi ulgurji narxda olib, maydalab sotgandek bo‘ladi. O‘shanday bo‘lsa, bunda zarar yo‘q.

Ammo agar sizlar bir jamoat bo‘lib ishlayotgan bo‘lsangiz va jamoat bilan kelishilgan holda ish olib borish kerak bo‘lsa, lekin siz egasi bilan yashirincha boshqacha kelishib olsangiz, bu xiyonat bo‘ladi. Chunki bunday holatda jamoatning haqqiga tajovuz qilgan bo‘lasiz.

Lekin ko‘p hollarda ishni bir kishi oladi va uni “o‘zimning ishim” deb biladi, odamlarni olib kelib ishlatadi va ustidan foyda qiladi. Agar shunday bo‘lsa, zarar yo‘q, vallohu a‘lam.

Savolning ikkinchi qismi: masalan, egasiga “bu narsani 10 000 ga oldim” deb turib, aslida 13 000 ga deb aytsa bo‘ladimi? — Bo‘lmaydi, bu yolg‘on hisoblanadi. 10 minglik narsani 13 ming deb ko‘rsatish mumkin emas. Lekin umumiy qilib: “Ishni shuncha pulga bitirib beraman”, deb kelishilsa, zarar yo‘q. Ammo xarajatlarni yozishda raqamlarni noto‘g‘ri ko‘rsatib, chiqimlarni oshirib yozsangiz, birovning haqqini nohaq yegan bo‘lasiz.

Vallohu a‘lam.