Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar otangiz tirikligida uyni notarius orqali sizga o‘tkazib bergan bo‘lsa va bu ish barchaning roziligi bilan amalga oshgan bo‘lsa, demak, bu uyni sizga hadya qilgan hisoblanadi. Hadya qabul qilinib, mulk sizga o‘tganidan keyin u uy sizning shaxsiy mulkingiz bo‘ladi.

Shunday ekan, otangiz vafot etishidan oldin uy sizning mulkingizga aylangan bo‘lsa, u meros tarkibiga kirmaydi. Demak, bu uyni shariat bo‘yicha onangiz, buvingiz yoki singillaringiz o‘rtasida meros sifatida taqsimlash shart emas.

Chunki otangiz uni sizga tirikligida hadya qilib bergan.

Vallohu a’lam.