Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holatning to‘g‘riligini baholash uchun avvalo quyidagilarni aniqlash kerak: siz otangizning so‘kishiga sabab bo‘ladigan bir xatolik qilayapsizmi yoki nohaq so‘kinayaptimi?

Agar siz o‘zingizdagi bir kamchilik, itoatsizlik yoki hurmatsizlik sababli u kishining g‘azabini keltirayotgan bo‘lsangiz, demak avvalo o‘zingizni to‘g‘rilashga harakat qiling. Farosatli, itoatli, ehtiiyotkor bo‘lishga intiling. Har bir ota bekordan-bekorga so‘kinmaydi – ba’zida bu o‘zining charchog‘i, muammolari yoki tarbiyaviy uslubidir.

Ammo shunday otalar ham bo‘ladiki, sababsiz, ortiqcha va og‘ir so‘zlar bilan farzandini siqib qo‘yadi. Agar shunday holat bo‘lsa, siz yomonlikka yomonlik bilan javob qaytarmasdan, duo bilan, xizmat bilan va go‘zal muomala bilan otangizni yumshatishga harakat qiling.

Sizning “Allohim, otam meni so‘kdi” deb shikoyat qilishingiz o‘rniga:

“Allohim, otamga hidoyat ber. Meni sabrli, yaxshi farzand qil,” deb duo qilish – bu foydaliroq va savobliroq yo‘ldir.

Har qanday holatda ham ota – ota. Qur’onda Alloh taolo ota-onaga yaxshilik qilishni buyurgan. Shuning uchun, imkon qadar e’tiroz qilmasdan, mehr bilan muomala qilishga harakat qiling.

Vallohu a‘lam.