Ya’ni u kishi bilan sizlar rahm qilish majburiyatida emassizlar. Lekin bu yerda ona bor. Onangiz eri bo‘lganidan keyin, onangiz shuni talab qilib turganidan so‘ng, onaga yaxshilik qilish yuzasidan uning turmush o‘rtog‘ini hurmat qilishlaringiz yaxshi bo‘ladi.

Bu — onaning hurmatidir. Shu sababli, u kishi sizga mahram bo‘ladi.

Endi “ona qizim” deb gapirgan bo‘lsa, o‘zini yaqin tutib gapirgan. O‘shanga yarasha “ha, yaxshi, mayli, rahmat” deb qo‘ysangiz, hech nima kamaymaydi. Bu onangizning hurmati uchun qilinadi.

Eringiz ham bu narsani to‘g‘ri tushunsa yaxshi bo‘lardi. Siz ham hamma gapni eringizga shikoyat tarzida aytib, eringizni achchiqlantirmasligingiz kerak. Chunki ortada oila buzilishi kabi katta zararlar chiqishi mumkin.

Shu narsalarni yengil qilib olib, onangizni hurmat qilib, har zamonda bir yaxshi gapirib qo‘ysangiz, onangiz uchun yaxshi bo‘ladi. Chunki ko‘pchilik odamlar qizi yoki kuyovi hurmati uchun yaxshi muomala qilishga harakat qiladi.

Sizning holatingiz ham shunga o‘xshaydi.

O‘gay ota sizga mahram bo‘lib qoladi. Onangiz bilan yashaganidan keyin, hatto onangiz vafot etsa ham sizga qiyomatgacha mahram bo‘ladi.

Shu sabab, siz u kishi bilan qarindoshlik bog‘lamasangiz ham, onangizning hurmati uchun yaxshi muomala qilishingiz kerak.

Bunda siz ota roziligi uchun emas, balki onangizni hurmat qilish uchun muomala qilasiz. Chunki u onangizga turmushga chiqqan erkak.

Vallohu a’lam.