Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Alloh ham sizni O‘z yo‘lida bardavom va mustahkam qilsin. Alloh uchun yaxshi ko‘ramiz, va Alloh taolo sizni o‘zi yaxshi ko‘radigan yo‘lga boshlasin. Sizdek halollik va taqvo izlayotgan inson uchun Qur’onda va Hadisda xushxabarlar bor.

Alloh taolo Qur’onda deydi:
“Kim Allohdan taqvo qilsa, U unga chiqish yo‘li (maxraj) yaratib beradi va kutilmagan joydan rizq beradi.” (Talaq surasi, 2–3-oyatlar)

Bu nafaqat rizq (yemish-ichimlik) haqida, balki turmush, salomatlik, ilm, baxt va kelajak haqida hamdir. Shuning uchun, agar siz hozirda shubhali va imoningizga xavf tug‘diruvchi muhitda bo‘lsangiz, Alloh uchun sabr qilishingiz va taqvoni ustun qo‘yishingiz kerak. Kelajakni Alloh belgilaydi, ishni Alloh beradi.

Oilangizga ham asta-sekinlik bilan tushuntiring. Ular sizni yaxshi ko‘rganlari uchun xavotirda. Lekin siz ularga Qur’on yodlashni, halol va pok hayotni ustun ko‘rayotganingizni muloyimlik bilan tushuntiring. Agar imkon bo‘lsa, masofadan yoki ayollar uchun halol bo‘lgan sohalarda o‘qishni davom ettiring.

Agar qaror qabul qilishingizda ichingizda xotirjamlik bo‘lsa, va u taqvoga yaqin bo‘lsa — bilingki, bu Allohning sizga bergan yo‘lidir.

Taqvo tuting, Allohga suyaning, va samimiy duo qiling. Alloh sizga o‘ylamagan joydan yo‘l ochadi.

Vallohu a‘lam.