Mashhur qidiruvlar:

tavhid namoz zakot
Bosh sahifa >Har xil >Johillik bilan kimnidir “kofir” deb aytib yuborish amallarni barbod qiladimi?

Johillik bilan kimnidir “kofir” deb aytib yuborish amallarni barbod qiladimi?

Nashr sanasi: June 22, 2025
Savol raqami: 2072
Ko'rilgan: 56

Savol :

Ustoz, men yaqinda dalilni to‘g‘ri tushunmasdan, johillik bilan bir inson haqida “kofir bo‘ldi” deb yuboribman. Keyin bu so‘zim xato ekanini tushunib, tezda tavba qildim. Ammo shayton vasvasa qilib, “Sen musulmon kishiga kofir deding, endi o‘zing kofir bo‘lding, amallaring ham habata (barbod) bo‘lib ketdi”, deb xayolimni chalg‘ityapti. Bu vasvasadan chiqolmayapman. Shunday holatda amallarim yo‘qqa chiqib ketadimi?

Javob :

O’xshash savol-javoblar

Siz tavba qilgansiz, niyatingiz noto‘g‘ri bo‘lmagan. Amallaringiz barbod bo‘lmagan. Shaytonning vasvasalariga quloq solmang. Kelgusida bu kabi holatlardan saqlaning.

Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, amallaringiz habata (barbod) bo‘lib ketmaydi, chunki siz bu so‘zni johillik va noto‘g‘ri tushunish asosida aytgansiz, qasddan emas. Bu holatda gunoh bo‘lishi mumkin, ammo kufr yoki amallar yo‘qqa chiqishi haqida gap bo‘lmaydi. Eng muhimi — siz xatoni anglab, chin dildan tavba qilibsiz, bu esa Allohning rahmatiga yaqinlikdir.

Birovni “kofir” deb aytish — bu og‘ir masala. Bu masalada oshiqmaslik, ahli ilmdan so‘rab ish tutish lozim. O‘z fikrimiz bilan kimnidir takfir qilish (kofir deb chiqarish) katta xatodir va bu ishga faqat ilmga ega bo‘lgan, adolatli ulamolar jur’at qilishi mumkin.

Xulosa:
Siz tavba qilgansiz, niyatingiz noto‘g‘ri bo‘lmagan. Amallaringiz barbod bo‘lmagan. Shaytonning vasvasalariga quloq solmang. Kelgusida bu kabi holatlardan saqlaning.
Vallohu A‘lam.

Javob muallifi:

Shayx Sodiq Samarqandiy

Maqola foydali bo’ldimi?

1

  • Ovsinlar bir-birining bolasini emizsa, hamma bolalari bir-biriga mahram bo‘lib qoladimi?

    Har xil
    September 2, 2025

  • Tog‘asining o‘g‘liga tekkan va nosog’lom farzand ko‘rgan ayolning savoli.

    Har xil
    August 31, 2025

  • Mashinani haddan tashqari tez haydash natijasida o‘lsa, o‘zini o‘ldirgan hukmida bo‘ladimi?

    Har xil
    August 31, 2025

  • Shafoat so‘rash haqida

    Har xil
    August 30, 2025

  • Maktablarda bolalar fikri zaharlanayotgani haqida savol.

    Har xil
    August 30, 2025

  • “Bir gunohni qilsam ota-onamga oq bo‘lay” degan va o‘sha gunohni qilgan odam hukmi.

    Har xil
    August 30, 2025