Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bunday holatlarda imkon qadar ehtiyot choralarini ko‘rish kerak. Ya’ni bir to‘shakda, bir ko‘rpada, bir yostiqda birga yotish taqiqlanadi. Agar imkon bo‘lsa, o‘rtaga bir to‘siq qo‘yish, ularni bir-biridan uzoqroq joylashtirish kerak.

Rasululloh sollallohu alayhi vasallam davrida ham bunday holatlar bo‘lgan. Masalan, Ibn Abbos roziyallohu anhuma aytadilar:
“Men xolam Maymunaning uyida kechani tunardim. Rasululloh sollallohu alayhi vasallam kechasi u yerga kelib, to‘shakka Maymuna onamiz bilan bosh tomonlari bir tomonga qaragan holda yotdilar. Men esa ularning yostiqlariga eniga yotdim.”

(Buxoriy rivoyati)

Ya’ni bu yerda bir yostiq bo‘lsa-da, joylari farqlangan. O‘g‘il boshqa yoqqa, qiz boshqa yoqqa yotqizilgan.

Bugungi kunda ham xonalar tor, sharoit cheklangan bo‘lsa, har bir farzandga imkon qadar alohida burchak, alohida to‘shak tayyorlab berish kerak. Agar ota-ona bilan bir uyda yotishsa, farzandlar (o‘g‘il-qiz) alohida burchakda bo‘lishi lozim. Hatto bir xonali uyda bo‘lsa ham, qiz bola va o‘g‘il bolani bir-biridan ajratishning bir yo‘lini topish zarur.

Vallohu a‘lam.