Bismillah, alhamdulillah, vassalatu vassalamu ‘ala rasulillah, amma ba’d:

Endi xiyonat deganda qaysi ma’noda? Itoatsizlik ma’nosidami? Haqiqatda ayol erining aytganini bajarmagan. Bu ayol xato qilgan — ya’ni, eri “borma” degan bo‘lsa, bormasligi kerak edi.

Agar ayol doktor bo‘lmaganida yoki og‘riqqa chidolmaydigan darajada bo‘lganida, bu boshqa masala. Ammo modomiki ayol doktor bor bo‘lib turgan bo‘lsa, u holda erkak doktorga borish — bu erining gapini mensimaslik, pisand qilmaslik hisoblanadi. Shu jihatdan bu holat “xiyonat” deyiladi.

Lekin bu — biz odatda tushunadigan “katta xiyonat”, ya’ni erga xiyonat qilish ma’nosidagi xiyonat emas. Ammo umumiy ma’noda — omonatga xiyonat qilish doirasiga kiradi, bu esa to‘g‘ri.

Masalan, ota farzandlariga yaxshi tarbiya bermasa, u holda otalik omonatiga xiyonat qilgan bo‘ladi. Xuddi shuningdek, ona farzandlariga yaxshi tarbiya bermasa — onalik omonatiga xiyonat qilgan bo‘ladi. Do‘st do‘stlik omonatiga xiyonat qilgan bo‘ladi. Er xotinining omonatiga xiyonat qilgan bo‘lsa, bu ham xiyonat sanaladi.

Shunday ekan, bu holatda ayol eriga itoat qilishi kerak edi.

Alloh isloh qilsin, Alloh o‘zi kechirsin. Allohumma amin.