Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu masala juda og‘ir va nozik masala. Bunda sabr qilish kerak bo‘ladi, vallohu a‘lam.

Chunki hozirgi holatda ikkala homilaning ham yuragi urib turibdi, ya’ni ikkalasi ham tirik. Shunday ekan, bu ishni Allohga topshirish lozim. Alloh taolo Qodir Zotdir. Alloh taolo aytadi:

لَا تَدْرِى لَعَلَّ ٱللَّهَ يُحْدِثُ بَعْدَ ذَٰلِكَ أَمْرًۭا

Sen bilmassan, shoyadki, Alloh undan keyin biror ishni paydo qilsa.
(Taloq surasi, 1-oyat )

Sizning bu savolni berib, “Alloh nima deydi, Rasululloh ﷺ nima deydi, din nima deydi?” deb so‘rashingizning o‘zi taqvodir. Siz hozir taqvo yo‘lidasiz.

Alloh taolo yana aytadi:

Kim taqvo qilsa, Alloh unga chiqish yo‘lini beradi.

Bu Allohning va’dasi. Siz taqvoni davom ettiring va Allohning va’dasini kuting. Alloh taolo siz o‘ylamagan joydan bir mahraj, bir yaxshilik yaratadi, in shā Alloh.

Mening nasihatim: sabr qiling. Chunki yuragi urib turgan homilani oldirish masalasi juda og‘ir. Agar bittasini oldirish kerak bo‘lsa, amalda ikkinchisi ham zarar ko‘rishi mumkin.

Vallohu a‘lam.