Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Albatta joiz. Chunki bu holda siz vakil bo‘lasiz, ya’ni u odamning vakili. Uning pulini olib turib, qachon bo‘lsa ham kartasiga solib qo‘ysangiz, bu sizni vakil qilgani hisoblanadi.

Agar u odam sizga: “Mana, shuni so‘m qilib bering”, deb dollarni bersa, siz uni kechqurun borib so‘m qilib kartasiga tashlab qo‘ysangiz, bunda qo‘lma-qo‘l bo‘lmayapti. Bu ish joiz emas. Chunki pulni pulga almashtirishda albatta qo‘lma-qo‘l bo‘lishi shart.

Demak, agar u sizga: “Dollarimni sotib bering”, deb vakil qilsa, siz sotuvchi sifatida uning vakili bo‘lasiz va bu joiz bo‘ladi. Lekin agar siz sotib oluvchi bo‘lsangiz va qo‘lma-qo‘l bo‘lmasa, bu shar’an joiz emas.

Shuning uchun farqni aniqlab olish kerak:

• Agar siz vakil bo‘lsangiz — ya’ni u odamning dollarini sotib berayotgan bo‘lsangiz — bu joiz.

• Agar siz sotib oluvchi bo‘lsangiz va keyin so‘mni kechikib bersangiz — bu joiz emas, chunki qo‘lma-qo‘l bo‘lmay qoladi.

Vallāhu a‘lam.