Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bunday holatda siz hikmat bilan yo‘l tutishingiz kerak.
Agar siz: “Bo‘ldi, g‘iybat qilmang”, — deb to‘xtatib qo‘ysangiz, u kishi ranjib qoladi, dedingiz. Shuning uchun bu holatda to‘g‘ri tushuntirish imkoniyatini topish zarur.

Siz tinglab turgan holatda niyatingizni to‘g‘rilab, ya’ni “bu kishini to‘g‘rilash maqsadida eshityapman”, degan niyatda bo‘ling.
Buvingiz dardini aytayotgan paytda, so‘ngra imkon topib, yumshoqlik bilan, sekin-sekin, hikmat bilan to‘g‘rilab borsangiz, asta-sekin o‘sha odatdan chiqib ketishlari mumkin.

Har safar sekin burib-burib to‘g‘rilayversangiz, Allohning izni bilan, u kishi o‘z holatini o‘zi ham tushunib boradi.
Siz esa imkon qadar taqvo bilan ish tuting, ko‘nglini og‘ritmay, hikmat bilan eslatib turing.

Gaplarini eshitayotgan paytda ham, ichingizda:

“Hozir bir imkon topib, to‘g‘rilayman,”
degan niyatda bo‘ling. Gaplaridan o‘zingizga mos joy topib, yumshoqlik bilan eslatma bering.

Shunda, vallāhu a‘lam, siz u kishining gunohiga sherik bo‘lmaysiz.
Chunki niyatingiz to‘g‘rilash va maslahat berish bo‘lgan bo‘ladi, g‘iybatga sherik bo‘lish emas.
Shu bilan birga, siz buvingizning ko‘nglini ham og‘ritmaysiz.

Vallāhu a‘lam.