Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Vallāhu a‘lam, bu masalada ish yengilroq hisoblanadi. Chunki bola uchun berilgan nafaqa aslida uning manfaatlari yo‘lida ishlatiladi. Ota-ona bu mablag‘dan bola uchun turli xarajatlar qiladi, nafaqat oziq-ovqat yoki kiyim, balki unga foyda bo‘ladigan har qanday ishlarga sarflashi mumkin.

Aqiqa esa — bolaning foydasi uchun qilinadigan diniy amaldir. Shuning uchun, agar ota-ona o‘z mablag‘i yetmay, bola nafaqasidan ozroq qo‘shib aqiqa qilsa, bu joiz bo‘ladi. Bu ishda na zulm bor, na gunoh.

Shuningdek, aqiqa qilishda:

“Faqat otaning cho‘ntagidan bo‘lsin”, degan qat’iy talab shariatda yo‘q.

Agar ota nafaqani jamg‘argan bo‘lsa va o‘sha puldan aqiqa qilsa — bu bola manfaatiga ishlatilgan hisoblanadi. Asosiy narsa — niyat to‘g‘ri bo‘lishi.

Vallāhu a‘lam.