Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bu haqda sahih hadis bor. Rasululloh ﷺ aytganlar:

لَيْسَ مِنَّا مَنْ خَبَّبَ امْرَأَةً عَلَى زَوْجِهَا
 
“Kim bir ayolni eridan ajrashishga undasa (ayniytsa), u bizdan emas.”

Bu — oila orasiga fitna solishning og‘ir gunoh ekanini bildiradi. Er-xotin orasiga kirib, masalan:

“Ering senga munosib emas”, “Undan ajral, boshqasi yaxshi bo‘ladi”, “Men seni baxtli qilaman”,
– kabi so‘zlar bilan oilani buzishga harakat qilgan odam — Rasululloh ﷺning ogohlantirishiga ko‘ra, ummatidan emas, ya’ni bu ish katta gunoh sanaladi.

Alloh bunday ishlarni bizdan va avlodimizdan yiroq qilsin.
Vallāhu a‘lam.