Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bu ishingiz to‘g‘ri emas. Siz bu zarar uchun javobgarsiz, chunki bevosita sababchi o‘zingizsiz. Pechkani yoqib, e’tiborsizlik bilan uni o‘chirmay ketganingiz oqibatida zarar yuz bergan. Shariatda kimning qo‘li bilan zarar sodir bo‘lsa, o‘sha odam uni qoplashga mas’ul bo‘ladi.

Agar boshliq oyligingizdan ma’lum qismini ushlab qolgan bo‘lsa, qolgan zarar ham siz zimangizda bo‘ladi. Siz ishni to‘xtatib ketganingiz bilan mas’uliyatdan ozod bo‘lmaysiz. Eng yaxshi yo‘l — qaytib borib, uzr so‘rab, halollik bilan bu masalani hal qilishdir. Hatto agar imkoningiz bo‘lsa, zarar miqdorining hech bo‘lmasa bir qismini qoplashni taklif eting.

Bu dunyoda halollik qilish — qiyomatdagi hisob-kitobdan yengil bo‘lishga sabab bo‘ladi. Bo‘yningizda qolgan qarz oxiratda og‘ir javobgarlik bo‘lishi mumkin. Shuning uchun halollik bilan orani oching va Allohdan baraka so‘rang.

Vallohu a‘lam.