Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bunday 40 kunlik amal haqida shariatda hech qanday dalil yo‘q. Baqara surasining fazilati haqida sahih hadislar mavjud, masalan: uni o‘qilgan uyga shayton uch kun yaqinlashmaydi, sehr ta’sir qilmaydi, degan kabi fazilatlar bir martalik o‘qishga taalluqlidir.

Ammo “har kuni 40 kun davomida o‘qisang, sabring sinaladi, tozalanasan” degan gaplar odamlar to‘qib chiqargan bid’at so‘zlar bo‘lib, shariatga nisbat berilishi katta xatodir. Shariatda 40 kun qilib o‘qish yoki shuni shart qilish haqida hech qanday asos yo‘q.

Agar o‘qimoqchi bo‘lsangiz, sanamay, bosim qilmay, iloji boricha o‘qing. Har kuni o‘qisangiz ham bo‘ladi, ikki kunda bir, uch kunda bir o‘qisangiz ham bo‘ladi. Ammo bunga majburiyat sifatida qarash, og‘irlik his qilish – noto‘g‘ri.

Xulosa: Shariatda 40 kun Baqara surasini o‘qish shart emas. Fazilat bor, lekin uni majburlikka aylantirish va shariatga bog‘lash noto‘g‘ri.

Vallohu a‘lam.