Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu — shart emas. Erning bunday narsani talab qilishga haqqi yo‘q. Ayolning ota-onasi bilan bo‘ladigan gaplari orasida shaxsiy yoki omonat gaplar bo‘lishi mumkin. Ba’zi erlar “men erman” degan nom ostida xotinining butun shaxsiy hayotiga aralashib, hatto boshqa ayollarning maxfiy gaplariga ham kirib borishga urinadi.

Masalan, ayollar o‘z davrasida hazil-huzul, shaxsiy suhbatlar qilishi mumkin. Erkakning bularning barchasidan xabardor bo‘lishi shart emas va bu erkaklik (rujuliyat) sifatiga ham to‘g‘ri kelmaydi. Agar er xotiniga ishonmasa, bu oila ichida nosog‘lom muhitni yuzaga keltiradi.

Ayol “ota-onam bilan shaxsiy gaplashaman, bu sizga tegishli emas” deb aytishga haqli. Agar rozi bo‘lsa, gaplarini eshitishiga ruxsat berishi mumkin, lekin majbur emas. Er bo‘ldi degani — xohlaganini qilishi yoki xotinining barcha shaxsiy hayotini nazorat qilishi degani emas.

Shariatda erning ayolni haqoratlash, asossiz urish yoki butunlay nazorat ostiga olishga haqqi yo‘q. Telefonlarni titib chiqish, kim bilan nima gaplashganini so‘roq qilish — bu oila tinchligini buzadi. Agar inson yomon ish qilmoqchi bo‘lsa, uni baribir boshqa yo‘l bilan ham qiladi. Shuning uchun bunday darajada aralashish to‘g‘ri ish emas.

Vallohu a‘lam.