Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Albatta, bo‘ladi. Ayol kishi aslida tabiatan mo‘ylovli qilib yaratilmagan. Mo‘ylov — erkak kishining belgisi, ayol kishining nozikligi va tabiiy holatiga bu narsa zid hisoblanadi.

Lekin Alloh taolo Hikmatli Zot bo‘lib, kimni xohlasa shunday yaratar. Ba’zi hollarda ayol kishida mo‘ylov yoki soqolga o‘xshash tuklar chiqib qolishi mumkin. Bunday holatda ulardan qutulish, yo‘qotish joiz bo‘ladi.

Agar bu holat ayol kishining qiyofasini erkakka o‘xshatib qo‘yayotgan bo‘lsa, va tuklar ko‘payib borayotgan bo‘lsa — ularni olib turish nafislik va tabiiylikni saqlash uchun ruxsat etiladi.

Zamonaviy davrda bu borada halol va xavfsiz usullar mavjud. Bu — xilqatni o‘zgartirish emas, balki asl tabiatga qaytish sanaladi. Masalan, erkak kishining  peshonasida yoki yuzining notabiiy joylarida tuk chiqsa va ularni olib tashlasa — bu ham qoshni o‘zgartirish yoki bid’at emas. Balki insonni o‘z holatiga qaytarish sanaladi.

Xuddi shunday, ayol kishining mo‘ylovi ham erkaklarga xos belgi bo‘lgani sababli, undan tozalanish joiz va ma’qul amaldir.

Vallāhu a‘lam.