Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar ayol eridan xulu so‘rasa, lekin er bu iltimosga javob bermasa yoki rozi bo‘lmasa, hech qanday taloq yuz bermaydi. Chunki xulu — ikki tomonning roziligi bilan amalga oshadigan ajrim turidir.

Shunchaki:

“Men senga mahringni qaytaraman, meni qo‘yib yubor,” – deb ayol aytgan bo‘lsa ham,
agar er:
“Bo‘pti, roziman, mahrni olaman, seni qo‘ydim,” – demasa,
nikoh hali buzilmagan hisoblanadi.

Shuning uchun ayol o‘zi yolg‘iz qaror bilan:

“Men mahrimni qaytardim, endi ketaman,” – deb chiqib keta olmaydi.
Bu – shar’iy nikoh davom etayotgan holatda hisoblanadi.

Qachonki er:

“Mahrni oldim, seni xulu qildim” – desa yoki unga yozma ravishda rozilik bildirilsa —
shunda xulu haqiqatda ro‘y beradi.

Xulosa:

• Er xuluga rozi bo‘lmasa — nikoh davom etadi, hech narsa o‘zgarmaydi.

• Er rozilik bildirsa — xulu bo‘ladi.

Vallāhu A‘lam.