Angliya fuqaroligini olish shar’an joizmi?

Nashr sanasi: June 2, 2025

Savol raqami: 1946

Ko'rilgan: 21

Savol :

Oilam bilan Angliyada yashaymiz. Yaqin yillarda farzandlarimning tarbiyasi va diniy ilmi uchun Saudiyaga ko‘chib o‘tish niyatimiz bor, chunki O‘zbekistonda diniy ta’lim berish cheklangan.
Shu bilan birga, ikki asosiy sababga ko‘ra Angliya fuqaroligini olishni rejalashtiryapmiz:

Saudiyada Yevropa fuqaroligiga ega bo‘lganlar uchun ish topish osonroq va oylik yuqoriroq bo‘ladi. O‘zbekiston fuqarolariga esa bu nisbatan qiyinroq va oylik pastroq.
Ayolim va qizim pasport almashtirayotganda O‘zbekistonda hijobsiz rasmga tushishlari kerak bo‘ladi. Angliyada esa hijob bilan rasmga tushishga ruxsat beriladi.

Shu sabablar bilan Angliya fuqaroligini olishimiz shar’an joizmi?

Javob :

O’xshash savol-javoblar

Ha, bu holatda Angliya fuqaroligini olish joiz. Chunki bunda diniy, iqtisodiy va oilaviy manfaatlar mavjud. Farzand tarbiyasi, hijobda rasmga tushish imkoniyati va halol rizq topish kabi maqsadlar islomiy niyat hisoblanadi. Fuqarolik olish orqali din tark etilmayapti, balki dinga xizmat qilish imkoniyati kengaymoqda. Shuning uchun bu ish halol va oqilona hisoblanadi.

Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bu holatda Angliya fuqaroligini olish joiz. Siz keltirgan sabablarda diniy, iqtisodiy va oilaviy manfaatlar mujassam.

Bugungi kunda musulmonlar yashayotgan ko‘plab mamlakatlar Islomiy xalifat tizimida emas. Shuning uchun fuqarolikni tanlashda shar’iy mezon niyat va maqsadga qarab baholanadi.

Agar siz bu fuqarolikni:

farzandlaringiz tarbiyasi va diniy ilmi uchun qulay sharoit yaratish,
oilangiz (ayolingiz va qizingiz) diniy kiyimda pasport olishlariga imkoniyat yaratish,
va ish topish, halol rizq topish osonroq bo‘lishi kabi niyatlar bilan olayotgan bo‘lsangiz — bu halol, joiz va oqilona ish hisoblanadi.

Bu yerda muhim narsa — niyatning tozaligi. Siz kofir davlatning fuqaroligini olish bilan diningizni tark etayotgan bo‘lmayapsiz, balki islomiy maqsadlar yo‘lida foydalanmoqdasiz.

Shu sababli, bu ishda gunoh yo‘q. Aksincha, bu bilan siz oilangizga diniy va dunyoviy jihatdan foyda keltirmoqdasiz.

Vallāhu a‘lam.

Javob muallifi:

Shayx Sodiq Samarqandiy

Maqola foydali bo’ldimi?

Yo’nalishlar

Bizga bog’laning