Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ahli Bayt haqida fikr bildirish masalasi murakkab va nozik. Chunki bu toifa ichida har xil yo‘nalishdagi kishilar bor. Shuning uchun kim ekanini, qanday e’tiqodga egaligini aniqlab olish lozim.

Masalan, ba’zilari bor — Oisha onamizni (roziyallohu anho) haqlariga tuhmat qilib, “zino qilgan” deydilar. Bunday kishilar Qur’on oyatlariga qarshi chiqgan bo‘ladi. Chunki Nur surasida Alloh taoloning Oisha onamizni pok deb e’lon qilgani ochiq-oydin aytilgan. Ushbu tuhmatni qilganlarga Qur’onda jazo belgilangan. Shunga qaramay, kimki bu tuhmatga ergashsa, u Qur’onni yolg‘onchiga chiqargan bo‘ladi. Bu esa — dindan chiqish, ya’ni kufr hisoblanadi.

Yana ba’zilar bor — Ali roziyallohu anhuni “iloh” deb e’tiqod qiladi. Bu esa ochiq-oydin shirkdir. Chunki: “La ilaha illaLloh” degan e’tiqodga ziddir.

Yana boshqalar bor — barcha sahobalarni la’natlaydi. Alloh Qur’onda sahobalarni “Ular Allohdan rozi, Alloh ulardan rozi” deb madh etgan bo‘lsa, ularni la’natlash — Qur’onga zid va dindan chiqish bo‘ladi.

Agar faqat ayrim sahobalarga yomon gap aytsa, bu kishi bid’at ahli (mubtadi’) hisoblanadi. U bilan diniy aloqani uzish tavsiya qilinadi.

Shu sababli, siz gaplashgan odam alaviy bo‘lsa ham, qaysi yo‘nalishga mansubligini bilib, keyin munosabatni belgilash kerak.

Vallāhu a‘lam.