Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Agar farzandlarning otasi vafot etgan bo’lsa, ularning nafaqasi va ta’minoti, avvalo, otasining otasi, ya’ni bobosining zimmasida bo’ladi. Agar bobo qarilik yoki boshqa sabab bilan bunga qodir bo’lmasa, u holda bu mas’uliyat boshqa yaqin erkak qarindoshlarga, jumladan, amakilariga o’tadi. Ular imkonlari bo’lsa, yetim bolalarning ta’minotini o’z zimmalariga olishlari lozim.

Agar ular bu vazifani bajarmasalar, o’z zimmalaridagi mas’uliyatni ado etmagan bo’ladilar.

Alloh taolo sizga sabr bersin, dardingizni yengillashtirsin va farzandlaringizni O’z panohida asrasin.

Agar farzandlaringiz hali yosh bo’lsa va sizning turmush qurishingizda shar’iy to’siq bo’lmasa, umringizni yolg’iz o’tkazib yubormasdan, munosib inson bilan turmush qurishingiz ham maqsadga muvofiq bo’lishi mumkin.

Alloh taolo sizga tavfiq bersin, ishlaringizni oson qilsin va oldingizdagi yo’llarni ochib bersin.

Vallohu a’lam.