Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Agar boshqa merosxo’rlar o’z roziligi bilan: “Biz o’z haqqimizdan kechdik”, deb merosdan voz kechgan bo’lsalar, bu holda ularning haqqi tugaydi va bu masala qiyomat kuniga qolmaydi.

Ammo agar ular o’z haqlarini shu dunyoda talab qilgan bo’lsalar-u, kenja o’g’il ularni bermagan bo’lsa, unda bu haq qiyomat kuniga qoladi. Chunki merosdagi haqqini egasiga berish vojibdir.

Agar esa ular ham, kenja o’g’il ham meros hukmini bilmagan bo’lsalar va: “Bizning urfimiz shunday, ota-onaning uyi kenja o’g’ilga qoladi”, deb o’ylab yashagan bo’lsalar, bunda masalaga boshqacharoq qaraladi. Chunki ular bilmagan holda shunday yo’l tutgan bo’ladilar.

Lekin haqiqat ma’lum bo’lganidan keyin, agar boshqa merosxo’rlarning shar’iy haqlari bo’lsa, ular uni talab qilishlari mumkin. Agar talab qilganlaridan keyin ham ularning haqlari berilmasa, bu haq qiyomat kuniga qoladi.

Vallohu a’lam.