Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Albatta, agar u haqiqiy tolib yoki toliba bo‘lsa va odamlarni isloh qilish yo‘liga kirsa, jamiyatning o‘zi uni g‘aribga aylantirib qo‘yadi. Ya’ni, bu yo‘lga kirgan odam o‘z-o‘zidan g‘arib bo‘lib qoladi. Xuddi Varaqa ibn Navfal Rasululloh ﷺ ga aytganlaridek: “Siz keltirgan narsani kim keltirgan bo‘lsa, albatta unga dushmanchilik qilingan.”

Agar inson haqiqiy tolibi ilm bo‘lib, isloh yo‘lidan yursa, bugungi jamiyatda u o‘z-o‘zidan g‘aribga aylanadi va g‘arib bo‘lib qoladi. Alloh taolo O‘zi g‘ariblarga jannatni nasib qilsin, O‘z yo‘lida isloh qiluvchilardan barchamizni qilsin. Allohumma omin.