Bismillah, alhamdulilloh, vassalatu vassalam ‘ala rasulillahi va ba’d.
Bu g‘oyib xabari Rasululloh sallallohu alayhi vasallamdan Abu Musa al-Ash’ariy rivoyat qilgan hadisda aytilgan. Ya’ni bu shunday bo‘ladi – qiyomat kuni turli holatlar bo‘ladi. Umuman olganda, agar Alloh taolo bandani kechirsa, u odam tavba qilgan bo‘lsa, gunohi yo‘qdek bo‘ladi. “At-taibu minaz-zambi kaman la zambalahu”, ya’ni tavba qilgan odam go‘yo gunohi bo‘lmagandek bo‘ladi.

Lekin bu odamniki nega taroziga qo‘yildi desa, Alloh taolo taroziga qo‘ygan bo‘lsa ham, baribir uni kechirgan. Balki bu Allohning o‘z fazlini ko‘rsatishi uchun qilingan bo‘lishi mumkin. Yoki boshqalarga ibrat bo‘lishi uchun shunday qilgandir. Alloh Hakim Zotdir. Lekin nima bo‘lganda ham, kechirdimi – demak, kechirdi, uni do‘zaxga kiritmadi. Natijasi bir xil baribir.

Unday bo‘lsa, “nega taroziga qo‘ydi?” degan savol Allohga berilmaydi. Balki Alloh taolo boshqalarga ibrat bo‘lishi uchun shunday qilgan bo‘lishi mumkin. “Mana, aslida tarozi shunday edi, lekin Men kechirdim”, deb ko‘rsatishi mumkin. Shuning uchun bu masalada bizga kelgan xabar qanday bo‘lsa, shunday ishonamiz. Bu xabar aniq o‘sha odamga nisbatan shunday bo‘ladi. Lekin umumiy holatda, agar banda gunohidan chin qalbdan tavba qilsa, Alloh taolo uni kechiradi.

Bu – Allohning va’dasi. Chunki Alloh taolo aytadi: “At-taibu minaz-zambi kaman la zambalahu” – bu hasan hadisda keladi. Ya’ni gunohidan tavba qilgan odamning gunohi yo‘qdek bo‘ladi. Alloh subhanahu va taolo Qur’onda ham va’da qiladi: “Illaa man taaba, va aamana, va ‘amila ‘amalan solihan, fa ulaaika yubaddilullahu sayyiatihim hasanaat”, ya’ni kim tavba qilsa, iymon keltirsa va solih amal qilsa, Alloh uning yomon amallarini yaxshilikka almashtirib qo‘yadi.

Bu Allohning va’dasi. Va Alloh o‘z va’dasini albatta bajaradi.
Vallohu a’lam.