Bismillah, alhamdulillah, vassalatu vassalam ‘ala Rasulillahi, va ba’d.
Bu narsani “joiz emas” deb aniq ayta olmaymiz. Lekin bu Alloh Subhanu va Taoloning o‘zi belgilab qo‘ygan masalalaridandir. Rasululloh sallallohu alayhi vasallamning dunyodagi ayollari oxiratda ham u zotning ayollari bo‘ladi, deb kelgan. Shuningdek, qiyomat kuni kimlar bilan bo‘lishlari, kimlar u zotga yaqin bo‘lishlari haqida ham dalillar bor.

Sahobalar yoki salaflar tomonidan “Rasulullohning ayoli bo‘lishni istayman” degan duolar eshitilmagan. Vallohu a’lam, bu narsa duoda haddan oshish (i’tidolni buzish) kabi tuyuladi.

Shuning uchun salaf-solihlar har doim ma’lum va bo‘lishi mumkin bo‘lgan narsalarni so‘rashni afzal ko‘rganlar. Chunki Rasululloh sallallohu alayhi vasallam va u zotning ayollari (azvajuhum) haqida Qur’onda: “Ular va ularning ayollari Jannatda birga bo‘ladilar”, deb kelgan.

Agar bu eshik ochib qo‘yilsa, har bir ayol: “Men Rasulullohning zavjalari bo‘lishni xohlayman”, deydi. Ammo bu tabiiyki bo‘lishi mumkin emas. Shuning uchun bunday duo duoda xaddan oshish bo‘lishi mumkin. Vallohu a’lam.