Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bu xilqatni o‘zgartirishga kirmaydi. Bu — davolanish hisoblanadi. Chunki insonning asl tabiiy holati — sog‘lom bo‘lishidir. Erkak kishining ovozi ham o‘z yoshiga mos bo‘lishi tabiiy. Ayollar uchun ham shunday.

Agar bir insonning ovozi yosh bola kabi ingichka bo‘lib qolgan bo‘lsa, bu holat kasallik sanaladi. Agar uni tuzatish imkoniyati bo‘lsa, malakali va tajribali shifokorlar orqali ovozni normallashtirish mumkin bo‘lsa — buni qilish joiz bo‘ladi.

Lekin bunday operatsiyada ehtiyotkorlik zarur. Natijasi ishonchli, xavfsiz bo‘lishi kerak. Agar bu ishlarda mutaxassislar tomonidan tajriba va kafolat bo‘lsa, bu xilqatni o‘zgartirish emas, balki davolanish bo‘ladi.

Vallāhu a‘lam.