Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holat homiladorlik davrida ba’zida uchrab turadigan holatlardan biri. Tajribada ham ko‘rilgan: ayrim ayollar homiladorlik paytida eriga nisbatan sovuq munosabatda bo‘lib qoladi. Bunga tanadagi gormonal o‘zgarishlar sabab bo‘ladi. Bu vaqtinchalik holat bo‘lib, ko‘pincha tug‘ruqdan keyin barchasi o‘z iziga tushadi, munosabatlar yana iliqlashadi.

Shu sababli, bu holatni er ham to‘g‘ri tushunishi kerak. Ayolining holatini inobatga olib, unga nisbatan sabrliroq bo‘lishi zarur. Siz ham iloji boricha sabr qiling, duoda bo‘ling, Allohdan bu holatning yaxshilik bilan o‘tib ketishini so‘rang. Insha Alloh, bu sinov ham o‘z vaqtida yakunlanadi.

Vallohu a‘lam.