Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bu — silai rahmni qisman uzishga kiradi. Silai rahmni to‘liq uzish ham bor, qisman uzish ham bor. Agar ilgari bordi-keldi, gap-so‘z bo‘lgan bo‘lsa, hozir esa u to‘xtab qolgan bo‘lsa, bu uzilish sanaladi.
Urfga ko‘ra aka-uka, opa-singillar ma’lum davrlarda aloqada bo‘lishi, bir-birining holidan xabar olib turishi kerak. Agar bu urfiy muloqot to‘xtasa, bu silai rahmning sustlashganidir.

Shariatda silai rahmni uzish katta gunoh sanaladi. To‘liq uzgan kishi haqida og‘ir tahdidlar keltirilgan. Qisman uzish esa darajaga qarab baholanadi — lekin bu ham loqaydlikdir.

Xulosa:
Agar salom-alik qilinayotgan bo‘lsa ham, ilgari bo‘lgan mehr-muloqotdan asar qolmagan bo‘lsa, bu silai rahmni zaiflashtirishdir. Iloji boricha avvalgi iliq munosabatni tiklashga harakat qilish kerak.

Vallohu a‘lam.