Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar u kishi o‘z ish haqidan aliment to‘layotgan bo‘lsa — ya’ni sizga cho‘chqa go‘shti yoki aroq emas, pul berayotgan bo‘lsa — bu pulning o‘zi harom emas. Siz u puldan non olasiz, kiyim olasiz, hayotingiz uchun ishlatasiz.

Agar u kishi pulni harom yo‘l bilan topayotgan bo‘lsa ham, bu uning o‘zi uchun javobgarlikdir. Siz esa o‘sha puldan bolalaringiz haqqi sifatida olmoqdasiz. Bu — otaning o‘z zimmasidagi shar’iy vazifasidir.

Aliment yoki nafaqa tarzida berilgan bu pul — siz va farzandlaringiz uchun halol hisoblanadi. Ota esa, agar harom yo‘l bilan topgan bo‘lsa, Alloh huzurida o‘zi javob beradi.

Bu masalaga o‘xshash holda, Ibn Mas‘ud roziyallohu anhu:
“لكم هناؤه، وعليه عناؤه” — “Rohati sizlarga, mas’uliyati unga” — deganlar.

Shunday ekan, bu aliment pullari bilan farzandlaringizni boqishingizda shar’iy jihatdan hech qanday muammo yo‘q.

Vallohu A‘lam.