Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Davolanish masalasiga kelsak,  Ramazon oyida tishni davolatish joiz deydi ulamolar.

• Agar og‘riq qoldiruvchi ukol qilinadigan bo‘lsa, ba’zi ulamolar buni joiz deb hisoblashgan, chunki ukol yeb-ichish hukmiga kirmaydi.
• Ro‘zador faqat yeb-ichish va ayoliga yaqinlik qilishdan qaytarilgan, shuning uchun yeb-ichish ma’nosiga kirmaydigan ukollar ro‘zani ochmaydi.

Lekin tanaga kiradigan har qanday modda ro‘zani ochadi degan ulamolar ham bor.
Shuning uchun ixtilofdan chiqish uchun kechasi, iftordan keyin tishni davolatish afzal bo‘ladi. Agar chidab bo‘lmasa, va kechasi imkon bo‘lmasa yoki klinika kechasi ishlamasa, zarurat sababli kunduzi davolatish joiz.
Fakat ehtiyot bo‘lish kerak, chunki tish olinayotganda yoki davolayotganda ichkariga qon, suv yoki boshqa moddalar ketib qolishi mumkin.

• Ba’zi ulamolar: “Agar beixtiyor oz miqdorda qon yoki suv yutib yuborilsa, ro‘za ochilmaydi.”
• Boshqa ulamolar: “Ehtiyot yuzasidan bitta kun qazo qilib berish afzal.” deydilar.

Xulosa:

• Tishni Ramazonda davolatish joiz.
• Og‘riq qoldiruvchi ukol ro‘zani buzmaydi.
• Imkon bo‘lsa, kechasi davolash afzal.
• Beixtiyor suv yoki qon yutilib ketsa, ayrim ulamolar qazo qilishni tavsiya qilgan.

Vallohu A’lam.