Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Aka-ukalar o‘zaro sherik bo‘lib, masalan, tijoratni birgalikda yuritadigan bo‘lsa, zakot qanday beriladi?

Agar har bir kishining hissasi aniq bo‘lsa va o‘z hissasiga o‘zi egalik qilsa, unda har biri o‘z hissasi nisobga yetsa, zakot beradi; agar nisobga yetmasa, bermaydi.

Masalan, bu uch aka-ukadan har birining puli alohida bo‘lib, pulning bir qismi birining hissasi, ikkinchi qismi esa boshqa biriniki, uchinchi qismi esa boshqa birining hissasi deb bilishsa, va har bir aka-uka o‘z ulushiga egalik qilsa hamda ulushi aniq bo‘lsa, unda ular zakotini alohida hisoblaydilar. Agar ularning ulushi nisobga yetmasa, zakot berish shart emas.

Ammo ba’zi oilalarda hamma “pul umumiy, bitta jamg‘arma” deb qaraladi, va kim qancha topib kelsa, ko‘pmi yoki ozmi, o‘rtaga tashlanadi, va bu umumiy mulk bo‘lib hisoblanadi. Bu pulning zakoti kimning nomidan chiqarilishidan qat’i nazar, u zakot berilsa bo‘ldi. Bu uchalasi nomidan chiqarilgan hisoblanadi.

Umumiy mulk bo‘lgani sababli, go‘yoki bir kishining moli deb qaraladi. Shuning uchun zakot bu uchalasining nomidan chiqariladi. Qaysi maqsadda va qanday ishlatilayotganligidan qat’i nazar, agar bu pul nisobga yetgan bo‘lsa va bir yil davomida o‘sha tijoratda aylangan bo‘lsa, zakotini berish lozim bo‘ladi.

Vallohu a’lam.