Agar siz bomdod namoziga turishga harakat qilsangiz va shu harakatingizni Alloh ko‘rsa, bilsa — ya’ni bu haqiqatdan chin dildan bo‘lsa — keyin shunday bo‘lib ham uxlab qolsangiz, bu zararli bo‘lmaydi. Chunki siz qo‘lingizdan kelgancha harakat qilgansiz.

Kechasi bir necha marta uyg‘onib, bolangizga qaraganday qilib bomdodga ham uyg‘onsangiz, bu juda yaxshi bo‘ladi. Masalan, ijtimoiy tarmoqlarga kirmay, turib tahorat qilsangiz, namozingizni o‘qib keyin yotib olsangiz — bu yaxshi niyatdir. Agar chindan niyat qilgan bo‘lsangiz, Alloh taolo o‘zi uyg‘otadi. Sizdan talab qilinadigan narsa — harakat. Shunga qaramay, baribir uxlab qolayotgan bo‘lsangiz, bilingki, Alloh taolo uzrni qabul qiluvchi Zotdir.

Rasululloh sollallohu alayhi vasallam aytganlar:
“Insonning sustkashligi uxlab qolishida emas. Sadoqat bilan harakat qilgan odam uxlab qolsa, bu gunoh emas.”
Yana aytilgan: “Sustkashlik uyg‘oqlikda bo‘ladi.” Ya’ni, uyg‘oq turib namozni o‘tkazib yuborish — bu gunohdir. Masalan, peshin namozini asrga yaqin o‘qish, yoki asrni quyosh botishiga tirab o‘qish — bu xatodir.

Ammo uxlab qolgan odamning ruhi Allohning qo‘lidadir. Alloh taolo o‘zi xohlagan paytda uni uyg‘otadi. Agar siz sidqidildan turishga niyat qilsangiz va Alloh qalbingizdagi ixlosni bilsa, u holda siz uzrli bo‘lasiz. Chunki Alloh uzrni qabul qiluvchi Zotdir.

Harakat qiling, Alloh taolo harakatingizga yarasha ajr beradi.
Vallohu a’lam.