Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bunday holatdagi kishi tahorat olib tavofni boshlab yuboradi. Agar tavof davomida tahorati buzilsa ham — tavofini davom ettirishi mumkin.

Bu masala fiqhiy ixtilofli hisoblanadi:

• Imom Shofi’iy rahimahulloh: Tavof qilish uchun tahorat shart, degan.

• Imom Abu Hanifa rahimahulloh: Tavofda tahorat shart emas, degan.

Imom Abu Hanifaning bu fikri dalilga yaqinroq (rojiħ) sanaladi. Chunki:

1. Rasululloh ﷺ bilan birga 100 mingdan ortiq odam Haj qilgan. Erkak, ayol, yosh, keksa — har xil insonlar bo‘lgan.

2. Shunday katta miqdordagi odamga “Tavofni faqat tahorat bilan qilinglar” degan alohida amr sahih hadisda kelmagan.

3. Rasululloh ﷺ eng kichik holatlardayam (masalan, hojatxonaga kirish duosi) sunnatni ta’kidlagan bo‘lsalar-da, tavofda tahorat shartligi haqida qat’iy ogohlantirmaganlar.

Demak, bu dalilga asoslanib, tavof uchun tahorat shart emas degan fikr afzalroq bo‘ladi.

Ammo ixtilofdan chiqish va ehtiyotkorlik uchun imkoniyat bo‘lsa — tahorat bilan boshlash afzal. Agar tavof davomida tahorati buzilsa, bu holat uzrli hol sanalib, tavofni tugatish joiz bo‘ladi.

Xulosa:
Tahorati tez buziladigan kishi tahorat olib tavofni boshlab, tahorati buzilsa ham tavofni davom ettirishi mumkin.

Vallāhu a‘lam.