Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Tahorat olish masalasini olsak, samolyotda tahorat qilish mumkin. Gusl qilish qiyin, lekin oddiy tahoratni ado etish albatta bo‘ladi. Oyoqlarga mash tortasiz, qo‘llaringizni va yuzingizni (tirsaklargacha) yuvsangiz bo‘ladi. Oldindan tayyorgarlik qilib oling.

Endi qibla va turib o‘qish masalasida imkon yo‘q: haqiqatda samolyotda qiblaga qarab o‘qishning iloji bo‘lmasligi mumkin. Bunday holatda o‘tirib o‘qiysiz. Qaysi tomonga qarab bo‘lsangiz, o‘sha tomoningiz qibla hisoblanadi.

فَأَيْنَمَا تُوَلُّوا۟ فَثَمَّ وَجْهُ ٱللَّهِ ۚ

Qayoqqa qarasangiz, Allohning yuzi bor.

 (Baqara, 2:115)

Ya’ni qiblani niyat qilasiz-da, o‘tirgan joyingizda “Allohu akbar” deb namozni boshlab o‘qiysiz.

O‘tirgan holatda ruku’ni ishora bilan, sajdani esa undan ham pastroq ishora bilan bajarasiz. Rasululloh (s.a.v.) aytganlar: “Namozni tik turib o‘qi; agar bunga qodir bo‘lmasang — o‘tirib o‘qi.” Agar o‘tirib o‘qish imkoniyati ham bo‘lmasa, yotib o‘qiydi. Sizda hozir o‘tirish imkoni bor, turish imkoni yo‘q — demak, o‘tirib o‘qiysiz; qibla oldingizga qarab, samolyot yo‘nalishiga niyat qilib o‘qiyverasiz.

Bomdod namozini o‘qiysiz. Peshin bilan asrni jamlab o‘qisa bo‘ladi yoki vaqti-vaqtida alohida-alohida o‘qishingiz ham mumkin.

Vallohu a’lam.